Aste Santuko etenaldia eta gero, apirilaren 8an berriro ekingo diogu xare-eskolari, Ametsa Pilota Elkartekoek.
Xare-eskolari jarraipena emateaz gain, txapelketak ez ditugu albo batera utzi nahi, eta Gipuzkoako Txapelketa ofizialik jokatzeko aukerarik izan ez duten teknifikazio taldeetan ari diren pilotarientzat, hainbat txapelketa antolatu ditugu, denboraldiaren amaierara iristeko gero eta gutxiago falta dela kontuan izanda.
Hori dela eta, asteartean, apirilaren 9an, emango diegu hasera Ametsa trinketean Gaztetxoen mailako Udaberriko Xare Txapelketei.
Bi talde izango ditugu lehian; lehen taldean 3 bikote: Sara-Ur, Alaine-Maren eta Irati-Ekaitz, eta bigarren taldean, lau bikote: Adei-Mikel, Xuban-Izei, Paule- Eneko eta Martina- Enaitz.
Talde bakoitzak ligaxka jokatuko du lehenik, eta, ondoren, lehen taldeko bi lehen sailkatuek finala jokatuko dute zuzenean; bigarren taldekoek, berriz, lehen sailkatua finalera sailkatuko da zuzenean, eta 2. eta 3. sailkatuek finalerdia jokatu beharko dute.
Finalak, MAIATZAREN 4AN, 16:00ETAN, jokatuko dira, Ametsa trinketean.
Aste honetan partida hauek izango ditugu jokoan:
APIRILAK 9-ASTEARTEA-18:30EAN
1. Sara-Ur/Alaine -Maren
APIRILAK 11-OSTEGUNA-19:30EAN
1. Xuban-Izei/ Martina-Enaitz
Comentários