Kadete eta jubenil mailako Gipuzkoako xareko txapelak jokatu ostean, Nagusiak eta Eskolarteko mutil eta nesken mailetako Gipuzkoako Xare Txapelketekin jarraituko dugu aste honetan Irurako Ametsa trinketean.
Asteazkenean, otsailak 9, 20:00etan, jokatuko da Nagusien mailako
lehen partida Ametsako bi bikoteen artean; Iturbe I- Iturbe II bikoak, Zabalegi-Huitzi bikoaren kontra jokatuko du.
Iturbetarren bikoan, gutxitan ematen den egoera aipagarria eta eredugarria emango da; alegia, aitak, Iñaxek, Oier, semearekin jokatuko du. Ondo joan dakiela opa diegu.
Ostiralean, otsailak 11, 19:45ean, Nagusi mailako bigarren partida jokatuko da; Behar Zanako Maiza(Ametsak utzia)-Lopetegi bikoak, Apeztegia- Isasa Ametsako bikoaren kontra jokatuko du.
Eskolarteko neska-mutilen txanda izango da larunbatean, otsailak 12, 16:00etan. Neskak hasiko dira, eta Ametsa 1 (Mujika II-Mendizabal II) bikoak, Ametsa 3 (Amundarain- Iturbe III) bikoaren kontra joktuko du. Segidan, mutilen txanda izango da; Ametsa 1(Gibelalde I-Garmendia) bikoak Ametsa 3(Gibelalde II-Larrañaga) bikoaren kontra jokatuko du.
Aste interesgarria Ametsa trinketean, xareaz gozatu nahi duenarentzat.
Comentarios