Joan den astean Gaztetxoen mailakoari eman genion hasera, eta gaur, apirilaren 17an, 18:30ean, Gazteak mailako Udaberriko Xare Txapelketari emango diogu hasera Irurako Ametsa trinketean.
Ametsa Pilota Elkarteko lau bikotek parte hartuko dute: Unai-Ander C.; Ibai-Aitor; Ander M.-Aimar eta Oier-Xuban.
Lehenik, elkarren kontrako ligaxka jokatuko dute lau bikoteek; ligaxkako lehen postua lortzen duenak, zuzenean finala jokatzeko txartela lortuko du, eta 2. eta 3. geratzen diren bikoteek finalerdia jokatu beharko dute finaleko beste txartela eskuratzeko.
Arestian esan bezala, gaur, apirilaren 17an, 18:30ean jokatuko da Ametsa trinketean lehen jardunaldia, eta partida hauek izango dira ikusgai:
1. Unai-Ander C./ Ibai-Aitor
2. Ander M.- Aimar/ Oier-Xuban
Onenek irabaz dezatela!
Comments