Isasa-Apeztegia bikoak lortu du Nagusiak mailako Gipuzkoako xare Txapelketako finalerdirako bigarren txartela, Zabalegi- Mujika bikoari 40-35 irabazita.
Finalerdia, asteazkenean,19:00etan, Iturbe I - Iturbe II bikoaren kontra jokatuko dute.
Nagusiak mailako azken partida ostiralean jokatu zen. Iñax Iturbek arazo txiki batzuk zituela eta, Xuban Lopetegik jokatu zuen bere ordez, eta Oier Iturberekin 40-24 irabazi zieten Mendizabal eta Mujikari.
Hauek 24-34 galtzen ari zirela, Matxalenek arazo txiki batzuk somatu zituen izterraren atzeko aldean , eta badaezpada ere, uztea erabaki zuen, jokoan ezer ez zegoela kontuan izanda.
Larunbatean, Kozkortuen, emakumezkoen mailari hasera eman ahal izan genion.
Lehen partida, Mendizabal II-Mujika II bikoak, Fernandez-Iturbe IV bikoaren kontra jokatu zuen. Paule eta Uxuek oso ondo jokatu zuten, eta Kamile eta Naroa baino gehiago izan ziren, eta 35-25 irabazi zieten.
Asteko azken partida, Kozkortuen mailako mutilena izan zen. Yarza-Calonge bikoak 35-21 irabazi zion Gibelalde I- Garmendia bikoari. Garaipen honekin Oierrek eta Anderrek finalerako txartela lortu dute, partida baten faltan. Unaik eta Oierrek, berriz, asteazkenean, 17:30ean, Gibelalde II - Larrañaga bikoari irabazi egin beharko diote finalean izateko aukerarekin jarraitu nahi badute.
Kommentare