Maiza-Lopetegi bikoak Nagusiak mailako Gipuzkoako xare Txapelketako finala jokatuko du,
Iturbetarrei 40-34 irabazi ondoren.
Garaipen honekin Oier eta Joxik multzoko lehen postua lortu dute, eta finalerako zuzenean sailkatzea lortu.
Iñax eta Oier semeak, berriz, multzoko bigarren postua lortu dute, eta finalerdiak jokatzeko txartela lortu dute hauek.
Igandean jokatu zen beste partida, eta Zabalegi-Huitzi bikoak 40-23 irabazi zion Mendizabal-Mujika bikoari. Emaitza honekin, galtzaileak, Matxalen eta Markel, aukerarik gabe geratu dira Txapelketan; Julen eta Gorkak, berriz, finalerdietarako bigarren txartela, azken jardunaldian, Iker Isasa eta Julen Apeztegiaren kontrako partidan jokatuko dute.
Larunbat arratsaldean, Kozkortuak mailan, Yarza- Calonge bikoak 35-29 irabazi zion Gibelalde I- Garmendia bikoari.
Emaitza honekin Yarza-Calonge bikoak, multzoko lehen postuan amaitu du lehen itzulia. Bigarren, Gibelalde II- Larrañaga bikoa, eta hirugarren, Gibelalde I- Garmendia.
Datorren larunbatean bigarren itzulia hasiko da, eta larunbat honetan jokatu den partida bera jokatuko da.
Kommentare