Lau partida jokatu eta hiru irabazita amaitu dute Ametsakoek jardunaldia.
Larunbatean, 11:00etan, eman zion hasera jardunaldiari, Ametsa 04ko Mendizabal-Iturbe bikoak, eta arazo handiegirik gabe, 40-23 irabazi zion Hardoytarrak 01 taldeko Hondarts- Barneix bikoari.
Ametsako bikoak partidari hasera oso ona eman ez bazion ere, lehen hamarkadara heltzerako aurrea hartu eta pixkana-pixkana aldea handitzen joan ziren Matxalen eta Oier, eta azken emaitzak erakusten duen moduan, erraz irabazi zieten Hardoytarrakekoei.
Bigarren partida, igande goizean jokatu zen Ametsa trinketean. Ametsa 03ko Murua( Herasen ordez) - Aristi bikoak 33-40 galdu zuen Urruñarrak 01 taldeko Gortari- Halsouet bikoaren kontra. Partida arraroa izan zen, eta Ametsako bikoak nahiko ondo eutsi zion Urruñako bikoari azken hamarkada arte, eta 33-30 aurretik ere joan zen, baina hor geratu ziren irurarrak, Oxan Halsouetek martxa bat gehiago sartu zion neurketari, eta azken 10 tantuak segidan eginda, partida 33-40 irabazi zuten.
Igande arratsaldean, Hazparnen zuten hitzordua Ametsako Zabalegi-Mujika eta Maiza-Lopetegi bikoek, eta emaitzak ikusi besterik ez dago, arazo handiegirik gabe atera zituztela aurrera jokatutako bi partidak. Ametsa 01eko Zabalegi-Mujika bikoak 40-4 irabazi zion Noizbait 01 taldeko Francesena-Bonetbelche bikoari. Eta Ametsa 02ko Maiza-Lopetegi bikoak 40-16 irabazi zion Larre-Morvan Noizbait 02 taldeko bikoari.
コメント