Jardunaldi berri bati ekingo diote asteburu honetan Ametsa Pilota Elkarteko pilotariek.
Lehenak jokatzen, ostiralean, azaroaren 1ean, 18:00etan, Ametsa trinketean, Xuban Lopetegi eta Aitor Aristi izango dira. Aviron Bayonnais taldeko Paul Ortiz-Cassaing bikoa izango dute aurkari.
Larunbatean, azaroaren 2an, 17:00etan, Mendillorrin(Iruñea) Unai Gibelalde eta Oier Garmendia bikoak, Auñamendiko Pedroarena-Arostegi bikoaren kontra jokatuko du.
Igandean, azaroaren 3an, 10:30ean, Ander Mujikak eta Ibai Larrañagak, Noizbait taldeko Twardack-Gillentegi bikoaren kontra jokatuko dute Ametsa trinketean.
Igandean, 12:30ean, Izei Garmendiak eta Ur Aristik, Hardoytarrak taldeko Alkat-Moncada bikoaren kontra jokatuko dute Angelun.
Eta amaitzeko, igandean, 18:00etan, Hazparnen, Oier Iturbek eta Markel Mujikak, Noizbait taldeko Sasco-Larramendi bikoaren kontra jokatuko dute.
Zorterik onena denei!
Comments