III. GAZTEAK XARE IREKIA ASTEARTEAN HASIKO DA, AMETSA TRINKETEAN.

Bihar, irailaren 5ean, 19:00etan, jokatuko da Irurako Ametsa trinketean III. Gazteak Xare Irekiaren lehen jardunaldia.

Urruñako Xare Torneoa jokatzetik datoz pilotari gazte gehienak; Oxan Halsouetek txapela lortu du; Markel Mujikak 3. postua, eta Matxalen Mendizabalek eta Oier Iturbek 4. postua.

Lehen partida, Julen Zabalegi-Aimar Heras bikoak Unai Telletxea-Oier Iturbe bikoaren kontra jokatuko du.

Bigarren partida, berriz, Oxan Halsouet-Xuban Lopetegi bikoak Matxalen Mendizabal-Markel Mujika bikoaren kontra.

Partida guztiak izango dira garrantzitsuak, multzoko azkena kanporatua geratuko delako; 2.ak eta 3.ak finalerdia jokatuko dute, eta multzoko lehena finalerako sailkatuko da zuzenean.

Partida interesgarriak denak. Zorte on denei!