II. Gazteak Xare Irekiaren finalerdiak, asteazkenean.

Asteazkenean, irailak 28, 19:00etan hasita, II. Gazteak Xare Irekiaren finalerdiak jokatuko dira, Irurako Ametsa trinketean.

Lehen finalerdian, Ioritz Arrizabalaga, urruñarrak eta Markel Mujika, irurarrak osatzen duten bikoak Matxalen Mendizabal, irurarrak eta Jakes Vila, urruñarrak osatzen duten bikoaren kontra jokatuko du. Ioritzek eta Markelek ligaxkako partida guztiak irabazi dituzte, baina Matxalenen eta Jakesen kontra jokatutakoa, tantu batez, ozta-ozta, irabazi zuten. Hortaz, orangoa ere, partida lehiatua aurreikusten da.

Bigarren finalerdia, Oxan Halsouet, urruñarrak, eta Oier Iturbe, irurarrak osatzen duten bikoak, Julen Zabalegi, irurarrak eta Joseba Erro, auriztarrak, osatzen duten bikoaren kontra jokatuko du. Ligaxkan jokatutako partida, Oxanek eta Oierrek irabazi zuten, baina oso partida lehiatua izan zen hau ere. Ondorioz, bi finalerdiak, irekiak eta faborito argiri gabeak aurreikusten dira.