Arrizabalaga-Mujika eta Zabalegi-Erro bikoek lortu zituzten II. Gazteak Xare Irekiaren lehen garaipenak. Ioritz Arrizabalaga eta Markel Mujika bikoak Oxan Halsouet eta Oier Iturbe bikoari 40-32 irabazi zion. Partida ona jokatu zuten lau pilotariek. Ioritz eta Markel partida guztian aurretik ibili ziren, baina ez zuten alde nabarmenik lortzen. Horrela partidaren azken zatian partida oraindik irekia zegoen, 32-28, lau tantuko aldearekin baino ez baitziren iritsi Ioritz eta Markel aurretik. Baina partida osoan bezala, Ioritz Arrizabalaga bikain ariru zen azken zatian, eta ligaxkako lehen puntua eskuratzea lortu zuten.
Bigarren partidan, Julen Zabalegi eta Joseba Erro bikoa 40-21 erraz nagusitu zitzaion Matxalen Mendizabal eta Jakes Vila bikoari. Julenek eta Josebak oso biko sendoa osatzen dutela erakutsi zuten, eta ez zien aukerarik eman Matxalen eta Jakesi. Huts gutxi egin eta aukera zutelarik tantua erraz amaitu zuten Julenek eta Josebak. Matxalenek eta Jakesek, aldiz, ohi baino huts gehiago egin zuten. Ondorioz, Zabalegi-Erro bikoak ere ligaxkako lehen puntua eskuratu zuten.
Bigarren jardunaldia atseden gehiegirik gabe izango dute, ostiralean, 19:00etan, jokatuko baita. Lehen partidan, HALSOUET-ITURBE /ZABALEGI-ERRO , eta segidan,
MENDIZABAL-VILA/ ARRIZABALAGA-MUJIKA
Commenti