II. Ametsa Xare Irekiaren ligaxkako azken jardunaldia jokatu da asteburu honetan Ametsa trinketean, eta finalerdiak, Gaztetxoak mailakoak izan ezik, erabaki dira.
EHko Trinketeko xare Txapelketaren 2. jardunaldia ere jokatu da, eta gure ordezkariek, Mendizabal-Huitzi eta Zabalegi-Iturbek emaitza bikainak lortu dituzte, Iruran eta Urruñan, hurrenez hurren jokatutako partidetan.
II. Ametsa Xare Irekian, Kadete mailan, Gibelalde I-Larrañaga bikoak 23-30 galdu zuen Gibelalde II- Murua I bikoaren kontra. Emaitza honekin Unai Gibelalde eta Ibai Larrañaga multzoko 4. postuan geratu dira, eta finalerdia 1. postuan geratu diren Oier Yarza eta Oier Garmendiaren kontra jokatuko dute. Irabazleak, Ekhi Gibelalde eta Adur Murua, berriz, 3. postuan geratu dira , eta finalerdia, Haritz Murua eta Ander Calongeren kontra jokatuko dute.
Jubenil mailan, Maiza-Iturbe bikoak 40- 31 irabazi zion Galartza- Isasa bikoari. Eta Zabalegi - Heras bikoak 40-37 irabazi zion Mendizabal-Lopetegi bikoari.
Aurrez esan genuen bezala, jardunaldi honek ez zuen ezer erabakiko, finalerdiak erabakita zeudelako aldez aurretik.
Partida hauek berak izango dira finalerdiak.
Emakumezkoen mailako finalerdiak larunbat arratsaldean jokatu diren partidetan erabaki dira. Larrarte II- Mujika II bikoak Garagarza-Iturbe III bikoaren kontra, eta Mendizabal II-Iturbe IV bikoak Fernandez-Garagarza bikoaren kontra.
Infantil mailako partida bat ere jokatu zen; Etxeberria- Lizarraga bikoak 29 -30 galdu zuen Zabalegi II- Mujika III bikoaren kontra. Galtzaileak, Oinatz eta Beñat multzoko 4. postuan geratu dira. Eta astelehenean jokatuko den Goenaga-Arruabarrena eta Larrarte I- Mujika II partidaren emaitzak erabakiko ditu finalerdiak.
Horrez gain, EHko Xare Txapelketan, Mendizabal-Huitzi bikoak 40-11 irabazi zion, ostegunean, Auñamendi taldeko Montoya- Erro bikoari, Ametsa trinketean. Igandean, berriz, Julen Zabalegik eta Oier Iturbek 40-27 irabazi zion Urruñan, Arrizabalaga II-Vila Urruñako bikoari. Emaitza honekin Julenek eta Oierrek, partida baten faltan, multzoko lehen postua ziurtatuta dute. Matxalenek eta Gorkak, azken jardunaldian, Urruñakoen kontra irabazita ziurtatu beharko dute bigarren postua.
Asteburu erabakior eta interesgarria datorkigu xarelari eta xarezaleoi !!!
Comments