Aste honetan jokatuko dira II. Ametsa Xare Irekiaren ligaxkako azken partidak, Ametsa trinketean.
Asteazkenean, 17:30ean, hasiko da jardunaldia, eta Infantilak mailan, Yarza-Garmendia bikoak Murua II-Calonge bikoaren kontra jokatuko du. Partida honetan multzoko 1. eta 2. postuak erabakiko dira.
Ostiralean, 17:30ean, Infantilak mailan ere, Gibelalde I-Larrañaga bikoak Gibelalde II-Murua I bikoaren kontra jokatuko du. Partida honetan, berriz, multzoko 3. eta 4. postuak erabakiko dira.
Segidan, jubenilak mailakoen txanda izango da, eta jokatuko diren partiden emaitzek ez dituzte finalerdietarako parekatzeak aldatuko, ostiralean jokatuko diren partida berak izango baitira finalerdiak. Baina jokatu egin behar dira, astebete barru jokatuko diren finalerdiak ongi prestatzeko. Maiza-Iturbe bikoak Galartza - Isasa bikoaren kontra jokatuko du. Oiertarrak, galduta ere, multzoko lehenak dira, eta Eñaut eta Iker, irabazita ere, azkenak. Ondorioz, finalerdia ere elkarren kontra jokatuko dute.
Bigarren partidak, Zabalegi-Heras eta Mendizabal-Lopetegiren artekoak, multzoko 2. eta 3. postuak erabakiko ditu. Baina gerta ala gerta, hauek ere, finalerdia elkarren kontra jokatuko dute.
Larunbatean, 16:00etan, Gaztetxoak hasiko dira. Hemen bai, hemen dena jokoan dago.
Etxeberria- Lizarraga bikoak Zabalegi II- Mujika III bikoaren kontra jokatuko du. Partida honetako galtzailea, multzoko azkena geratuko da.
Eta beste partida, Larrarte I-Mujika II/ Goenaga-Arruabarrena astelehenean, 18.30ean jokatuko da. Honek ere sailkapenean eragina izango du. Partida garrantzitsuak bikote guztientzat.
Emakumezkoen txanda izango da segidan, eta hauek bi jardunaldi jokatu beharko dituzte larunbat arratsaldean, 2. jardunaldia atzeratu behar izan genuelako, eta maila honetan ere multzoko sailkapena hemen erabakiko da.
Lehen partida, Larrarte II-Mujika II bikoak Fernandez-Amundarain bikoaren kontra.
Ondoren, Mendizabal II-Iturbe IV/ Garagarza - Iturbe III
Gero, Mendizabal II- Iturbe IV/ Fernandez-Amundarain
Eta amaitzeko, Garagarza-Iturbe III/ Larrarte II-Mujika II.
Honez gain, ostegunean, 19:00etan, EHko Xare Txapelketako partida jokatuko da; Ametsako Matxalen Mendizabal eta Gorka Huitzik Auñamendi taldeko Hualde-Montoya bikoaren kontra.
Eta Txapelketa honetan ari den Ametsako beste bikoak, Julen Zabalegi-Oier Iturbek, Urruñan jokatuko du, igandean, 11.00etan, Urruñarrak taldeko Arrizabalaga anaien kontra.
Zorte on denei!
Kommentit