Asteazkenean, 17:30ean, Infantil mailako lehen finalerdia jokatuko da. Yarza-Garmendia bikoak Gibelalde I-Larrañaga bikoaren kontra jokatuko du. Oiertarrek ligaxka bikaina egin dute, jokatutako partida guztiak irabazita, baina Unai eta Ibai oso lehiakorrak dira, eta heuren maila ematen badute, partida lehiatua izatea espero da.
Ostiralean , 17:30ean, Gaztetxoen mailako lehen finalerdia jokatuko da; Larrarte I- Mujika II bikoak Lizarraga-Etxeberria bikoaren kontra jokatuko du. Ligaxkan Itoitzek eta Naroak irabazi zuen, baina Lizarraga-Etxeberria bikoak, edonori ezustekoren bat eman diezaioke.
Segidan, Infantil mailako bigarren finalerdia jokatuko da. Hemen,
Murua I-Calonge bikoak, Gibelalde II-Murua I bikoaren kontra jokatuko du. Ligaxkan, elkarren kontrako partidan, Haritzek eta Anderrek irabazi zuten, baina Ekhik eta Adurrek gorantz egin dute azken partidetan; hau ere partida estua izatea aurreikusten da.
Ondoren, Jubenilen finalerdiak izango dira jokoan.
Partidarik galdu gabe heldu den
Maiza-Iturbe bikoak, Galartza-Isasa bikoaren kontra jokatuko du. Eñaut, gaztetxoa da oraindik, eta Ikerrekin, zaila daukaten arren, ezustekoa ematen saiatuko dira. Bigarren finalerdia, berriz, Zabalegi-Heras bikoak Mendizabal-Lopetegi bikoaren kontra jokatuko du. Elkarren kontra jokatutako ligaxkako azken partida ikusgarria izan zen; Julenek eta Aimarrek 40-37, ozta-ozta, irabazi zieten Matxalen eta Xuban gaztetxoari. Honek, partida ikusgarria jokatu zuen, bai defentsan bai erasoan. Ea oraingoan ere horrelaxe jokatzen duten!
Larunbatean, 16:00etan, Emakumezkoen txanda izango da. Lehen finalerdia, Larrarte II- Mujika II bikoak Garagarza-Iturbe III bikoaren kontra jokatuko du. Ligaxkan, Alainek eta Naroak irabazi zuten, baina egunaren arabera, edozeinek irabaz dezake. Emakumezkoen bigarren finalerdia, Mendizabal II-Iturbe IV bikoak Fernandez-Amundarain bikoaren kontra jokatuko du. Ligaxkan Kamilek eta Uxuek irabazi zuten, baina ligaxkan ikusi dugu indarrak parekatuta daudela, eta partida hau ere edozeinek irabaz dezake. Eta finalerdiak amaitzeko, Gaztetxoen mailako bigarren finalerdia jokatuko da. Zabalegi II-Mujika III bikoak Goenaga- Arruabarrena bikoaren kontra jokatuko du. Ligaxkan Xabatek eta Anderrek irabazi zuten, baina partida estu eta lehiatu bat jokatuta.
Finalak dira jokoan, eta arrazoi batengatik edo beste batengatik, ezusteko asko ematen dira.
Horrez gain, EHko Xare Txapelketako ligaxkako azken jardunaldia ere jokoan izango da aste honetan.
Asteazkenean, Ametsa trinketean, 19:00etan, jubenil mailan, Zabalegi- Iturbe bikoak Auñamendi taldeko Montoya-Erro bikoaren kontra jokatuko du. Julen eta Oier dira faborito argiak; heuren bi partidak, erraz, irabazi dituztelako, eta nafarrek, aldiz, biak, erraz, galdu.
Larunbatean, 11:00etan, Urruñan, Mendizabal-Huitzi bikoak Arrizabalaga-Vila bikoaren kontra jokatuko du. Sailkapen nagusirako 2. postua dute jokoan.
Eta larunbatean, 15:00etan, Ametsa trinketean, Maiza-Heras bikoak Urruñarrak taldeko bikoaren kontra jokatuko du, kadete mailan.
Comments