ASTEAZKENEAN, OSTIRALEAN eta LARUNBATEAN, II. AMETSA XARE IREKIAREN finalerdiak jokatu ziren Ametsa trinketean.
Asteazkenean, Gaztetxoak mailako, Yarza-Garmendia / Gibelalde I - Larrañaga bikoen arteko lehen finalerdia jokatu zen. Oiertarren bikoa zen faborito, eta ez zuten hutsik egin; 35-21 erraz mendean hartu zituzten Unai eta Ibai.
Ostiralean, Kozkortuak mailako lehen finalerdian, Larrarte I- Mujika II bikoak 30-15 irabazi zion Lizarraga-Etxeberria bikoari. Itoitz, beti bezala, seguru aritu zen, pilota gutxi galduz, eta Naroak aldeak egin zituen. Oinatz eta Beñat txukun aritu ziren, baina ezin izan zuten Itoitz eta Naroarekin.
Gaztetxoak mailako bigarren finalerdian, Murua I-Calonge bikoa zen faborito, baina Gibelalde II-Murua I bikoak, txapelketa osoko partidarik onena jokatuta, 35-25 irabazi zion Murua I-Calonge bikoari.
Ostiraleko, azken partidan, Gazteak mailakoan, Maiza-Iturbe bikoa zen faborito, jokatutako partida guztiak irabazi zituelako, eta finalerdian ere ez zuten hutsik egin, eta 40-22 irabazi zion Galartza-Isasa bikoari.
Larunbatean, Emakumezkoak hasi ziren finalerdiak jokatzen. Lehen partida, Larrarte II-Mujika II bikoak pronostikoak betez, 30-24 irabazi zion Garagarza-Iturbe III bikoari. Alaine eta Naroa duda-muda batzuekin hasi baziren ere, erditik aurrera heuren jokoa sendotu egin zuten, eta Iradi eta Ianire, ondo aritu baziren ere, ezinean aritu ziren.
Bigarren finalerdian, Mendizabal II-Iturbe IV bikoa zen faborito, eta hauek ere ez zuten hutsik egin. 30-21 irabazi zien Fernandez-Amundaraini. Uxue Iturbek aldea markatzen du, eta Kamileren laguntzatxoarekin, ez zien aukerarik eman Paule eta Maddiri.
Eta jardunaldiko azken partidan, jardunaldiko partidarik estuenean, Zabalegi II-Mujika III bikoak 30- 26 irabazi zion Goenaga-Arruabarrena bikoari. Xabatek eta Anderrek azken unera arte ez zuten partida irabazi, Manexek eta Kepak inoiz ez baitzuten amore eman.
Ondorioz, II. AMETSA XARE IREKIAREN finalak erabakita geratu dira, Gazteak mailakoa izan ezik, Hau, Zabalegi-Heras / Mendizabal I- Lopetegi II, OSTEGUNEAN, 18:30ean, jokatuko da.
FINALAK
KOZKORTUAK
Larrarte I- Mujika II/ Zabalegi II-Mujika III
GAZTETXOAK
Yarza-Garmendia/ Gibelalde II-Murua I
EMAKUMEZKOAK
Larrarte II- Mujika II/ Mendizabal II-Irurbe IV
GAZTEAK
Maiza-Iturbe II/ (Zabalegi-Heras / Mendizabal I- Lopetegi II IRABAZLEA)
Comments