Finalerdiak erabakita!!!

III. Ametsa Pilota Xare Txapelketaren azken jardunaldia jokatu da, eta finalerdiak erabakita geratu dira.

Ostiralean, 1. Mailako partidekin eman zitzaion hasera jardunaldiari.

Lehen partidan, Oier Maizak eta Oier Iturbek, lehen joku parekatu eta estu bat 15-13 irabazi ondoren, bigarrena, erraz, 15-3 irabazi zieten Adur Muruari eta Markel Mujikari.

Bigarren partidan, gauzak estu baino estuago joan ziren; lehen jokoan Julen Zabalegik eta Aimar Herasek 15-11 irabazi zieten Matxalen Mendizabali eta Xuban Lopetegiri, baina, bigarrenean, Matxalenek eta Xubanek, 15-12 irabazi zieten Juleni eta Aimarri, eta kittako jokoa jokatzera behartu zituzten; honetan, Julenek eta Aimarrek 10-7 irabazi zieten Matxalen eta Xubani. Partida ikusgarria jokatu zuten lau pilotariek; lauak oso joku maila altuan aritu ziren, eta ikuskizunaz gozatu ahal izan genuen Ametsa trinketean bildu ginenok.

Emaitza hauen ondorioz, eta oraindik jardunaldi bat falta bada ere, multzoko postuak erabakita daude, eta, ondorioz, finalerdiak ere bai.

Larunbat goizean, hitzordua, Oier Maizak eta Aimar Herasek zuten Urruñan, Urruñarrak taldeko Telletxea-Usarralde bikoaren kontra. EHko Trinketeko Kluben Arteko Txapelketaren finalerdietako bat zuten jokoan, eta gorabehera handiko partida jokatuta, azkenean, 40-37 galdu zuten, eta finaletik at geratu dira.

Larunbat arratsaldean, 3. Jardunaldia eta ligaxkako azkena izan genuen jokoan.

Xare Eskolako 2. mailakoekin eman genion hasera arratsaldeari; lehen partidan, Ekhi-Ander C. bikoak 2-0 irabazio zion Naroa-Ibai bikoari, eta bigarren partidan, Haritz-Ander M. bikoak 2-0 irabazi zion Unai-Oier bikoari.

Kantxara ateratzen hurrengoak, 3. mailakoak izan ziren; Kheith-Xabat bikoak 2-1 irabazi zion Beñat-Ur bikoari; eta bigarren partidan, Eneko-Oinatz bikoak 2-0 irabazi zion Beñat-Xuban bikoari.

Eta, jardunaldia amaitzeko, emakumezkoen txanda izan zen; lehen partidan, Sara-Paule bikoak 2-1 irabazi zion Martina-Alaine bikoari, eta bigarren partidan, Kamile-Irati bikoak 2-0 irabai zion Iradi-Laiene bikoari.

Ondozioz, III. Ametsa Pilota Xare Txapelketaren finalerdiak erabakita geratu dira:

1. Mailan:

1. Oier M. -Oier I. vs Matxalen-Xuban

2. Julen-Aimar vs Adur-Markel

2. Mailan,

1. Ekhi-Ander C. vs Naroa-Ibai

2. Haritz-Ander M. vs Unai-Oier

3. Mailan,

1. Haritz-Enaitz vs Eneko-Oinatz

2. Adei-Izei vs Kheith-Xabat

Eta emakumezkoen mailan:

1. Sara-Paule vs Iradi-Laiene