Asteburu honetan xareko hiru txapelketa berri hasi dira jokatzen Ametsako pilotariak, eta, zinez, emaitza bikainak lortu dituzte.
Lehen txapelketa, 23-24 xare-eskolar denboraldiari amaiera emateko, Ametsa Pilota Elkarteak antolatu duen mailaz-mailako txapelketa izan da.
Horietan lehena, Jubenil mailako buruz-buruko IV. Ametsa Pilota Xare Txapelketa izan da, eta ostiral arratsaldean hasi zen; Ametsako bost pilotarik parte hartuko dute: Iturbe, Mendizabal, Mujika, Heras eta Lopetegi II. Lehendabizi, Elkarren kontrako ligaxka jokatuko dute.
Lehen partidan, Oier Iturbek 2-0(15-13/15-12) irabazi zion Matxalen Mendizabali.
Bigarren partidan, Markel Mujikak 2-1(13-15/15-14/8-1) irabazi zion Aimar Herasi.
Hasi den bigarren txapelketa, 22 urtez azpiko EHko Trinketeko Xareko Txapelketa izan da. Hemen, Ametsa Pilota Elkarteko bi bikotek eta Urruñarrak taldeko 3 bikotek parte hartuko dute.
Larunbat arratsaldean eman zitzaion hasera Txapelketari Ametsa trinketean, eta Ametsako Unai Gibelalde eta Aimar Heras bikoak 40-25 irabazi zion Urruñarrak A taldeko bikoari.
Igandean, berriz, Urruñan, Ametsako Julen Zabalegi eta Oier Iturbe bikoak 40-15 hartu zuen mendean Urruñarrak C taldeko bikoa.
Eta asteburu honetan hasi den hirugarren xare txapelketa, Iruñean, Nagusi mailako Espainiako Xare Txapelketa izan da.
Bertan, Ametsa Pilota Elkarteko Julen Zabalegi eta Oier Iturbe bikoak 2-1 (15-11/12-15/ 6-10) irabazi zion Behar Zanako Joxi Lopetegi eta Xuban Lopetegi bikoari; honek, Xubanek, Ametsa Pilota Elkarteko pilotaria bada ere, Behar Zanarekin jokatzen du, Ametsak zesioa eginda.
Hortaz, arestian esan bezala, asteburu borobila izanda Ametsa Pilota Elkarteko pilotarientzat. Bejondeiela! Zorionak guztioi!
Comments