Ostiralean, 19:00etan, bere egunean atzeratutako derbiarekin emango diogu hasera jardunalduari. Gazteak mailako Zabalegi-Mujika bikoak Mendizabal-Iturbe bikoaren kontra jokatuko du. Lau pilotariak joku bolada onarekin daudenez, partida lehiatu eta on bat izatea aurreikusten da. Onenek irabaz dezatela!
Jardunaldiko bigarren partida, Gazteak mailakoa hau ere, larunbatean, 11:30ean, Ametsa trinketean, Maiza-Lopetegi bikoak, Aviron Bayonnais taldeko Paul-Cassaing bikoaren kontra jokatuko du. Oierrek eta Xubanek lehen urtea dute maila honetan, iaz Gaztetxoen mailako txapela lortu ondoren, eta hasera ona eman diote txapelketari, jokatutako lehen partida erraz irabazita. Ea bigarrena ere irabazteko gai diren.
Gazteak mailako hirugarren partida, igandean, 13:00etan, Ametsa trinketean jokatuko da. Zabalegi-Mujika bikoak Urruñarrak taldeko Telletxea-Usarralde bikoaren kontra jokatuko du. Ametsakoen asteburuko bigarren partida izango da, eta irurarrak dira faborito. Ea aurreikuspenak betetzen dituzten Julenek eta Markelek.
Gazteak mailako laugarren partida, eta hauentzat ere jardunaldiko bigarrena, Mendizabal-Iturbe bikoak jokatuko du, Donapaleuko Amikuze taldeko Chourrout-Arhiel bikoaren kontra, igandean, 14:30ean, Oregen. Irtenaldi probetxugarria izan dadila eurentzat.
Honetaz guztiaz gain, igandean, 9:30ean hasita,
Gaztetxoen mailako bete-beteko xare jardunaldia izango dugu Ametsa trinketean. Ametsako 3 taldeek (Murua I-Larrañaga/ Murua II-Calonge/ Gibelalde I-Garmendia), Urruña, Hazparne, Donibane Garazi eta Angeluko taldeen kontra jokatuko dute.
Irurako xarelari gazte eta gaztetxoak zain dituzue. Espero zaituztegu!
Comments