Hiru partida jokatu dituzte Ametsako Pilotariek asteburu honetan, eta hirurak irabazita itzuli dira Irurara.
Larunbat arratsaldean, Iruñean, eta Espainiako Xare Txapelketaren bigarren jardunaldian, Julen Zabalegik eta Oier Iturbek 2-0(15-11/15-10)irabazi zioten Garralda-Ayesa Auñamendi B taldeko bikoari. Ondorioz, Julen eta Oier finalerdietarako sailkatu dira, jokatu dituzten bi partidak irabazi baitituzte.
Bigarren partidan, Matxalen Mendizabalek eta Markel Mujikak 2-1(7-15/15-9/ 10-5) irabazi zioten Montoya-Erro Auñamendi C taldeko bikoari. Hau Matxalenen eta Markelen lehen partida izan zen, eta partida hau irabazita hauek ere finalerdietan izateko txartela eskuratu zuten; bigarren partidan, multzoko lehen edo bigarren postua jokoan izango dute Matxalenek eta Markelek Auñamendi A taldeko bikoaren kontra.
Eta irurarren hirugarren partida, EHko Xare Txapelketari zegokiona jokatu zuten Urruñan; Unai Gibelaldek eta Aimar Heras bikoak 40-21 hartu zuen mendean Urruñarrak C taldeko bikoa.
Zorionak guztioi!
Comments