Kataluniako L' Aliantza Abesbatza taldea, Onintza abesbatzakoen eskutik, asteburuan Iruran bisitan genuela eta, kataluniarrei xare jokoa ezagutzera emateko proposamena jaso genuen Ametsa Pilota Elkartekoek.
Hori dela eta, igande goizean xareko erakustalditxo bat emateko ardura hartu genuen Ametsakoek, eta Oier Garmendia, Ibai Larrañaga, Ander Calonge eta Aimar Heras izan ziren erakustaldia eman zuten Ametsako pilotariak. Kataluniarrak oso gustura egon ziren partidak ikusten, eta jokoaren edertasunarekin harrituta geratu ziren. Ondoren, bi abesbatzak elkarturik, bizpahiru abesti eskaini zizkieten pilotariei eta baita han bildutakoei ere. Goizari amaiera emateko, kataluniar batzuek xarea probatu nahi zutela eta, xare eta pilota batzuk utzi genizkien xarea proba zezaten, eta oso gustura ibili ziren xarearekin piloteatzen.
Goiz atsegina pasa genuen eta pozik atera ginen trinketetik.
Comments