Ametsa Pilota Elkarteak, bi mailatan -Gaztetxoak eta Gazteak- izan du ordezkaritza aipatu txapelketan, 3na bikoterekin. Emaitza bikainak lortu ditugu bi mailetan; Gaztetxo mailan, hiru bikoteak, Ametsa 1(Maiza-Lopetegi), Ametsa 2(Murua-Aristi) eta Ametsa 3 ( Larrañaga-Heras) finalerdietarako sailkatu dira. Gazteak mailan, berriz, Ametsa 1(Zabalegi-Mujika) eta Ametsa 2( Mendizabak-Huitzi) sailkatu dira finalerdietarako. Ametsa 3(Isasa- Iturbe) bikoa, berriz, 4. posturako berdinduta geratu da Matxalen eta Gorkarekin, baina elkarren arteko partida Matxalen eta Gorkak irabazi zuenez, hauek sailkatu dira finalerdietarako; Iker eta Oier, ondorioz, 5garren geratu dira. Finalerdiak, abenduaren 12an, igandea, jokatuko dira Arrangoitzen, Gaztetxoak eta Gazteak mailetan. Gaztetxoetan, 10:00etan, Ametsa 2 (Murua-Aristi) bikoak Ametsa 3 (Larrañaga-Heras) bikoaren kontra jokatuko du. 11:00eran, Ametsa 1 (Maiza-Lopetegi) bikoak Urruñarrak 2(Gortari-Miura) bikoaren kontra jokatuko du.
Gazteak mailan, berriz, 12:00etan, Urruñarrak 1(Halsouet-Vila) bikoak, Ametsa 2ko (Mendizabal-Huitzi) bikoaren kontra jokatuko du. Eta, 13:00ean, Ametsa 1ek (Zabalegi-Mujika) Hardoytarrak 1 ( Ondarts-Barneix) bikoaren kontra jokatuko du.
Bete-beteko igande goiza izango dugu irurarrek, abenduaren 12an, Arangoitzen.
Ea berri onak emateko parada dugun hurrengo berrian.
Commentaires